samedi 5 mars 2016

Epistre a celluy qui l'injuria par escript, et ne se osa nommer Clément Marot ( Poème France )

Afficher l'image d'origine


                     
                                             Epistre a celluy qui l'injuria par escript,
                                                          et ne se osa nommer

            Quiconques soys, tant soys tu brave,
            Qui ton orde et puante bave
            Contre moy a esté crachant,
            Tu es sot, craintif et meschant.                                                    
                                                                                                                            villaverde.fr
Afficher l'image d'origine               Ta sottie on voyt bien parfaicte
            En l'epistre que tu as faicte
            Sans art et sans aucun sçavoir.
            Toutefoys tu cuydes avoir
            Chanté en Rossignol ramage ;
            Mais ung Corbeau de noir plumage
            Ou ung grant Asne d'Arcadie
            Feroit plus doulce melodie.

                Et pour venir au demourant,
            Tu crains fort, O pouvre ignorant,
            Tu crains qu'envers toy je m'allume,
            Tu crains la fureur de ma plume.
            Pourquoy crains tu ? Il faut bien dire
            Qu'en toy y a fort à redire :
            Car il est certain, si tu fusses
            Homme de bien et que tu n'eusses
            Quelque marque, ou mauvais renom,
            Tu ne craindroys dire ton nom.

                Quant est de ta meschanceté,
            Elle vient de grand'lascheté
            D'injurier celluy, qui onques
            Ne te feit offenses quelconques.
            Et quant je t'auroys faict offense,
            Es tu de si peu de deffence,
            Si couard et si baboyn,
            De n'oser parler que de loing ?

                L'epistre venue de moy                                                               maxisciences.com 
Afficher l'image d'origine            Pour femme, qui vault mieulx que toy,
            N'est autre cas que une risée
            Où personne n'est  desprisée,
            Mais toy, lourdault mal entendu,
            En ta response m'as rendu
            Pour une risée une injure.
            Si je te congnoissoys ( j'en jure ),
            Tu sentiroys si mes lardons
            Ressemblent roses ou chardons.



jardiland.fr
Afficher l'image d'origine********







               De Blanche de Tournon

Dedans le Clos d'un Jardin florissant,
                                                  Entre autres fleurs, voy une Rose blanche
                                                  Que je seroys sur toutes choysissant
                                                  Si de choysir j'avoys liberté franche.
                                                  Dieu gard sans fin le Rozier et la Branche
                                                  Dont est sorty une tant belle Rose ;
                                                  Dieu gard la Main, qui pour croistre l'arrose ;
                                                  Dieu gard aussi le tresexcellent Clos.
                                                  Dieu fasse en moy la sienne Amour enclose,
                                                  A peine d'estre en son Amour enclos.
le figaro.fr
Afficher l'image d'origine

                                                                                                                                                Clement Marot                                                                                         ( in Oeuvres Complètes )



Aucun commentaire:

Enregistrer un commentaire