De Frère Thibault D'une Espousée Des cinq Poincts en Amour Clément Marot ( poème France )

                                                        De Frère Thibault                                        *                           
                                                                                                                                     Frère Thibault, séjourné gros et gras,                                                                     Tiroit de nuict une Garse en chemise
            Par le Treillys de sa Chambre : où le Bras
            Elle passa ; puis la Teste y a mise ;
            Puis tout le Sein ; mais elle fut bien prise
            Car son fessier y passer ne peut onc :
            " Par la morbieu ", se dict le Moyne adone,
            " Il ne me chault de Bras, Tetin me Teste ;
            Passez le Cul, ou vous retirez donc :                                                                     Je ne scauroys sans luy te faire feste. "                                                                          

                                                                                                                         

                                                      ***************







                                                   

                                                       

                                                         D'une Espousée

            L'Espousé, la première nuict,
            Asseuroit sa femme farouche :                                                             lessoireesdeparis.com
            " Mordez moy ( dict il ) s'il vous cuyct ;
            Voylà mon doigt en vostre bouche. "
            Elle y consent, il s'escarmouche ;
            Et après qu'il l'eu deshousée :
            " Or ça " ( dit-il ) " tendre rosée,
            Vous ay je faict du mal ainsi ? "
             " Adoncq, " respondit l'Espousée,
             " Je ne vous ay pas mords aussi. "




                                                                    ***************














                                                           Des cinq Poincts en Amours

            Fleur de quinze ans ( si Dieu vous saulve, et gard ),
            J'ay en Amours trouvé cinq points expres.
            Premièrement, il y a le Regard ;
            Puis le Devis, et le Baiser apres ;
            L'Atouchement, le Baiser suyt de pres.
            Et tous ceulx là tendent au dernier poinct.
            Qui est, et quoy ? Je ne le diray point.
            Mais s'il vous plaist en ma Chambre vous rendre,
            Je me mettray voulentiers en Pourpoint,
            Voyre tout nud, pour le vous faire apprendre.



                                                                                         Clément Marot
                                                                                 Oeuvres Poétiques 1538
         * bleumariebleu.blogspot.com