Ballade des menus propos François Villon ( Poète France )

                                                                                                                                                                                                                                                                         archives.haute-vienne.fr     

patrimoine.blog.pelerin.info                                                                                                                                                                                                                                                                                                                                                                                                                                                                                                              
                                                         Ballade des Menus Propos
                                                                                                               
                                                         Je congnois bien mouches en let,

                                                         Je congnois a la robe l'homme,

                                                         Je congnois le beau temps du let,

                                                         Je congnois au pommier la pomme,

                                                         Je congnois l'arbre a veoir la gomme,

                                                         Je congnois quant tout est de mesmes,

                                                         Je congnois qui besogne ou chomme,   

                                                         Je congnois tout, fors que moy mesmes.

                                                         Je congnois pourpoint au colet,

 passionprovence.org                                     Je congnois le moyne a la gonne,

                Je congnois le maistre au varlet,

                Je congnois au voille la nonne,

                Je congnois quant pipeur jargonne,

                Je congnois fols nourris de cresmes,

                Je congnois le vin a la tonne,

                Je congnois tout, fors que moy mesmes.

                Je congnois cheval et mulet,

                Je congnois leur charge et leur somme,

                Je congnois Bietris et Bel   
                Je congnois get qui nombre et somme,

                Je congnois vision et somme,

                                                         Je congnois la fault des Boesmes,

                                                         Je congnois le povoir de Romme,

                                                         Je congnois tout, fors que moy mesmes.

                                                          Prince, je congnois tout en somme,

                                                          Je congnois coulourez et blesmes,

                                                          Je congnois Mort qui tout consomme,

                                                         Je congnois tout, fors que moy mesmes.

                                                                                                                                                

                                                           François Villon